→ كل الوصفات

كفتة الفراخ او كباب الدجاج 🤤😍❤️

وصفة سهلة وسريعة والطعم حكاااااية ولا ألذ وأروع 😘

  • 1/2 كيلو صدور او وراك
  • قطعة ليه ضاني او اللي ما يحبهاش يستبدلها بمكعب زبدة
  • حزمة بقدونس
  • بصلة متوسطة
  • فلفل رومي احمر على اخضر بس الغالب يكون احمر
  • حسب الرغبة التوابل: بهارات فراخ، بهارات مشكلة، فلفل اسود، ثوم وبصل بودر، بابريكا، ملح
  • معلقة ك بقسماط مطحون
  • معلقة ك بيكنج بودر
  • معلقة ص صلصة طماطم
  1. في الكبة نفرم الفراخ فرم ناعم اوي وننزل بيهم في بولة غويطة علشان هنضيف باقي المكونات عليها
  2. في الكبة نفرم البصل مع الفلفل ونصفيهم كويس جداً ونضيفهم على الفراخ المفرومة ونسيب مايتهم على جمب
  3. نبشر قطعة اللية بشر صغير وننزل بيها على الفراخ ودي بتدي للكفته طعم وريحة وطراوة
  4. نفرم البقدونس فرم ناعم وننزل بيه عالفراخ وننزل بالبقسماط والبيكنج بودر والتوابل عليها حسب الرغبة او ملعقة صغيرة من كل حاجة والفلفل الاسود والملح حسب الرغبة
  5. نعجن المكونات كويس اوي في بعضها لحد ما تبقي كأنها عجينة كده ونسيبها في الثلاجة ساعة ترتاح او لو مستعجلين نشتغل فيها على طول
  6. ماء البصل نضيف عليها ملعقة الصلصة ونقلبها كويس
  7. في اسياخ الشوي او الشيش طاووق نصبع الكفتة ونبل ايدينا الاول بماية البصل وبعدين نصبع الكفته على السيخ ممكن بقى تتشوي على الفحم وممكن ننزلها من السيخ وتترص في صينية في الفرن حسب الرغبة وندخلها فرن سخن لحد ما تستوي ولما نيجي نبص عليها بفرشة وندهن ماء البصل عليها
  8. ولما تخلص نأخذ ملعقة زيت على ورقة فويل ومطشها بفحمة ونغطي على الكفته هتاخد طعم الشوي وريحة تحفة
  9. تتقدم بقى في طبق مفروش خضرة وجمب رز بسمتي وسلطة طحينة او رز ابيض وسلطة خضرا او معكرونة ريد صوص حسب الرغبة وبألف هنا وشفا بجد اطعم والذ كفتة هتدوقوها 🤤❤️
عجبتك الوصفة؟
شوف كل وصفاتنا في مكان واحد
كل الوصفات →