→ كل الوصفات
وصفتنا من المطبخ السوري طعمها روعة وخفيف جداً هتعجبكم جداً بإذن الله ❤️ انا كنت عملت وصفة لكفتة الحلبي قبل كده بس دي بطريقة مختلفه هتلاقوها في الوصفات عندي وهحطلكم رابط بتاعها في اخر خطوة إن شاء الله ❤️
المقادير
- 1 ك لحمة مفرومة
- 3 حبات طماطم مقطعة شرايح
- 2 بصل مبشور
- ملح حسب الرغبه
- 1/2 م ص فلفل اسود
- م ص كزبرة ناشفة
- 1/2 م ص السبع بهارات (جاهزة او طريقة عندي في الوصفات)
- م ص شطة
- 1/4 كوب زيت نباتي
طريقة التحضير
- هنجيب بولة ونخلط فيها اللحمة مع الزيت والتوابل كويس اوي لحد ما يمتزجوا واوصل لعجينة متماسكة
- ابشري بصل واصفيه كويس من الماء بتاعته و احطها على خليط اللحمة واخلطهم تاني كويس واشكلهم صوابع بشكل اللي احبه عايزاه زي مانا عامله براحتك عايزة تخليه شكل كفتة السيخ براحتك
- نجيب صينية فرن ندهنها زيت ونرصص الكفتة فيها ونحط شرايح طماطم من فوق عليها وندخلها الفرن شغال من فوق ومن تحت علشان تستوي وتأخذ لون
- ومجرد ما الكفتة تستوي وتأخذ لون هقدمها في طبق جنب سلطة خضره او سلطة طحينة حسب الذوق وبألف هنا ❤️
- ملحوظة انا كان عندي نص فلفل الوان متبقي بشرته رفيع و حطيته مع بصل في خليط كفته الخطوة دي من عندي مش من ضمن الوصفة الاصلية والوصفة الكفته تانيه هتلاقوها في رابط
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد