→ كل الوصفات
طريقة عمل كفتة بانيه بحشوة الموزاريلا سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- 1/2 كيلو لحم مفروم (او حسب الرغبة)
- 2 بصلة مبشورة
- بيضة
- ملح
- فلفل اسمر
- معلقة بهار لحمة
- 4 معلقة بقسماط
- جبنة موزاريلا قطع وممكن مبشور
- للتغطية
- بيضة
- رشة ملح
- رشة فلفل
- دقيق متبل بملح وفلفل وبابريكا وبصل وتوم بودرة
- بقسماط متبل بفلفل وبودرة بصل وبودرة توم
طريقة التحضير
- نفرم البصل ناعم جدا بالمبشرة أو الكبة ونحط عليه ذرة ملح ونسيبه في مصفاة ربع ساعة هينزل كل مايته وبعد كددا نحط البيضة والملح والفلفل والتوابل كلها والبقسماط (البقسماط علشان اللحمة المفرومة تتماسك ومتكونش طرية لان البيضة بتخليها طرية)
- نقلبهم كويس جدا لحد اللحمة ما تبقي قوامها مناسب وندخلها التلاجة نص ساعة تتشمع ونطلعها على الحشو نفردها على ايدينا ونحط الموزاريلا ونقفل عليها كويس بعد كده نحط الكفتة في الدقيق الاول وبعدين البيض وبعدين البقسماط ونضعها في الثلاجة نصف ساعة
- وبعدين نقليها في الزيت لحد ما لونها يبقي ذهبي وترص في صينية وتدخل الفرن عشر دقايق لضمان نضجها وبالف هنا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد