→ كل الوصفات
وصفة الكفتة دي غالية علي قلبي اوي ❤ عشان هي وصفة جدتي ربنا يخليهالي ويديها الصحة يارب 🤲 🥰 مع اضافة لمساتي من التوابل وجربوها ومش هتندموا 😍
المقادير
- ¼ كيلو لحمة مفرومة
- بصلة مبشورة ومعصورة
- رغيف عيش فينو مبلول بقليل من الماء
- م ك مليانة دقيق
- م ص (ملح ، فلفل ، بهار لحمة ، بودرة ثوم علي بصل ، زعتر)
- دقيق
- بيضة عليها رشة (ملح ، فلفل)
- فجيتار بيتي (موجود في بوست سابق)
طريقة التحضير
- في بولة اضع كل مكونات الكفتة السابقة مع بعض وادعكهم كويس وبعدين ابدا اشكلها ،
- ابدأ انزلها في (دقيق) ، بعدين (بيض) بعدين (فجيتار) واقليها في زيت غزير ساخن ،،
- طبعا ممكن تضاعفي الكمية براحتك لو حابة وتغيري في التوابل برده براحتك ،
- قدمتها مع ارز ابيض وملوخية ناشفة و(شوربة لسان عصفور بالبصل) كارثة طريقتها في البوست القادم وبالف هنا 🙂
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد