→ كل الوصفات

كفتة بصوص البصل المكرمل

طريقة عمل كفتة بصوص البصل المكرمل سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • ½ كيلو كفته
  • بصله كبيره مفروم ناعم
  • معلقه صغيره توم مفروم
  • ½ معلقه فلفل اسود
  • معلقه صغيره بهارات مشكله
  • 4 بصلات متقطعين رفيع شرايح
  • معلقتين كبار سكر
  • 3 معالق كبار زبده
  • ملح
  • ¼ كوب ماء
  • معلقه صغيره ممسوحه نشا
  1. هانحط اللحمه والبصل المفروم والتوم المفروم والملح والبهارات ونعجن كويس ونكور اللحمه
  2. هانحط في حله مش بتلزق معلقتين زبده ونحط الكفته تتحمر من جميع الاتجاهات وبعدين نطلع الكفته ونحط في نفس الحله معلقه الزبده والبصل ونقلب شويه لحد مايدبل نحط السكر ونقلب ونغطي الحله ونوطي ونسيب البصل يتكرمل لمده من نص ساعه لساعه الا ربع
  3. بعد كده نرجع الكفته للبصل ونزود نص كوب ماء ونغطي ونوطي ونسيبها نص ساعه تستوي بعدين نحط في الكوبايه ربع كوب ماء مع النشا ونقلب ونحط علي الكفته لحد مالصوص يتقل ويقدم
عجبتك الوصفة؟
شوف كل وصفاتنا في مكان واحد
كل الوصفات →