→ كل الوصفات
طريقة عمل كفتة داوود باشا ❤ سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- ½ كيلو لحمة مفرومه
- بصلة مفروم كبيرة
- 3 معالق بقدونس مفروم
- معلقة ملح صغيرة
- ¼ معلقة فلفل اسود / السبع بهارات
- ¼ معلقة بابريكا اختياري
- معلقتين كبار بقسماط
- كوبايتين عصير طماطم
- بصلة كبيرة جوليان
- ثلات فصوص ثوم
- معلقة صلصة
- معلقة ملح
- معلقة فلفل اسود
طريقة التحضير
- هنجيب اللحمه ونضيف عليها التوابل والبصل والبقدونس ونخلطهم كويس كدا مع بعض
- لحد ما يكون معانا عجينه متماسكه ونبتدي نشكلها كور متوسطة
- وننزل بيها في شويه دقيق وبعد كده نسيبها ترتاح ربع ساعه عشان تمسك نفسها ومتفكش واحنا بنشوحها 😉
- بعد كده هنجيب الطاسة بتاعتنا ونحط مكعبين زبدة وشويه زيت ولما يسخنو ننزل بالكفتة من غير تحريك نهائي
- اول ما نلاحظ انها خدت لون من تحت نبتدي نقلبها براحه ولما تستوي كلها نطلعها علي طبق في مناديل
- الزيت اللي هيفضل معانا بعد ما نطلع الكفتة هنعمل فيه الصلصة عشان يدينا طعم الكفتة 😊
- هنحط البصل والثوم وبعد كده هنزل بعصير الطماطم
- ونحط معلقة الصلصة والملح والفلفلواسيب الصلصة شويه علي النار
- وهننزل بالكفتة واسيبها دقيقتين ثلاثه مع بعض علي نار هادية
- وتتقدم بالهنا والشفا 🤗
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد