→ كل الوصفات
وجبة غداء ممتعة
المقادير
- 1/2 كيلو لحمة مفرومة
- 1 بصلة مبشورة
- 2 ل3 بطاطس
- 6 طماطم
- 1 كيس صلصة
- 2 مكعب مرقة لحمة
- 1 معلقة ملح و فلفل لخلطة الكفتة و الصلصة
طريقة التحضير
- نبشر بصلة علي قد نص اللحمة المهم اللحمة مايكونش فيها بصل كتير عشان ماتفكش في النار و نعصر البصلة من المياة بتاعتها
- في الوقت دة نكون قطعنا بطاطس و دي اختياري بس انا بحطها اولا أرضية عشان لاقدر الله ماتلزقش الكفتة او تتلدع ثانيا بيبقي طعمها حلو اوي و عصرت المياة بتاعة البصل عليها و تبلت البطاطس ملح وفلفل و ورق لورا مطحون
- بعد كدة نضرب الطماطم في الخلاط و نضيف معاها كيس صلصة لو بتحبي الصلصة جوسي مع الزيت و اتنين مرقة لحمة
- انا اخدت البطاطس و الكفتة غلوة علي النار بعد ما عملت الكفتة كور عشان تتشرب الصلصة بعدين دخلت الصنية الفرن علي درجة حرارة ١٨٠ و رصيت البطاطس في القارب و حطيت عليها الكفتة بالشكل دة
- بعد كدة اخدت الصلصة لما نطرت قدامها و حطيتها بالراحة علي الكفتة و البطاطس بالشكل دة
- و كنت عاملة رز بالشعرية و ممكن تعملي مكرونة بيضا اي نوع ليكي مطلق الحرية تبدعي في اكلك و ربنا يحسن ما بين أيديكم دايما مع مخلل و سلطة بطاطس مقبلات و بالهنا و الشفا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد