→ كل الوصفات

كفتة سبانخ بالبينك صوص (وصفة الحلقة)

من الوصفات اللي قدمتها معاكم في الحلقة في التليفزيون 🤩 ، وحبيت اعملها معاكم تاني لأنها وصفة جديدة وطعمها مميز جدددا وتقدم مع مكرونة بيضاء 😋😋 #رمضانك_اقتصادي_مع_حملة_اطبخها_اقتصادي وهو دة شعارنا في رمضان ان شاءالله ،، وكل عام وانتم الي الله اقرب 🕋📿 ،،،

  • ¼ مفروم لحم
  • 1 بصلة مبشورة ومعصورة
  • 1 بطاطس مبشورة ومعصورة
  • ½ كوب سبانخ مقطعة
  • بيضة
  • ½ كوب بقسماط
  • م ص من (بهار مشكل ، بابريكا ، فلفل ، ملح)
  • م ك ثوم مفروم
  • كوب سبانخ مقطعة
  • م ك صلصة
  • 2 م ك دقيق
  • كوب ونص شوربة او (ماء سلق المكرونة)
  • كوب ونص لبن
  • رشة من (ملح ، فلفل ، بابريكا)
  • مكعب ماجي
  • مكرونة بيضاء
  1. اولا الكفتة : في بولة اخلط كل مكونات الكفتة السابقة واعجنها كويس جدا لحد لما توصل للعرق الابيض دة ،
  2. بعد كدة كوري الكفتة وفي طاسة حطي ملعقة كبيرة سمنة ونزلي الكفتة شوحيها لحد لما تاخد لون وتستوي وشيليها علي جنمب ،
  3. في نفس الطاسة نزلي م ك ثوم مفروم وشوحيهاةلحظ لما ريحتها تطلع ، بعدين نزل السبانخ وشوحيها لحد لما تدبل ، بعدين الصلصة وقلبي كله مع بعض ،
  4. بعد كدة نزلي الدقيق وماء سلق المكرونة او (شوربة) واللبن وقلبي كويس بالمضرب لحد لما الدقيق يختفي ، بعدين ضيفي مكعب الماجي والتوابل وافضلي قلبي لح لما الصوص يتقل شوية ، بعدين رجعي تاني الكفتة وقلبي كله مع بعضه ،
  5. قدمتها مع مكرونة بيضاء😋 ، جربوها وان شاءالله تعجبكم وبالف هنا 🙂
عجبتك الوصفة؟
شوف كل وصفاتنا في مكان واحد
كل الوصفات →