→ كل الوصفات

كفتة عالفحم 🫕🥗🥩

ليها مذاق خاص عن أي أكلة ..😋

  • كيلو لحمة مفرومة فرم جيد مع حتة لية
  • 3 بصلات وسط
  • 5 فصوص ثوم
  • معلقة صغيرة فلفل
  • معلقة صغيرة بابريكا
  • رشة كمون علشان كتره بيمرر الاكل
  • معلقة صغيرة بهارات كفتة
  • معلقة صغيرة ملح
  • معلقة كبيرة نشا
  • معلقة صغيرة بيكنج بودر
  1. نفرم التوم والبصل ونعصر مايتهم بحيث البصل يبقي خالي من الماية الي فيه
  2. ننزل بالبصل والتوم المفروم والبهارات وباقي المكونات علي اللحمة ونعجنها عجن جيد ونتركها في الثلاجة لمدة ساعتين
  3. نطلعها من التلاجة ونعملها صوابع بماية البصل علي سيخ حديد
  4. لتتبيلة ماية البصل : بابريكا وفلفل وملح متكتريش البهارات يادوب رشة بسيطة
  5. ونضعها علي الشبكة علي شواية الفحم لحد ما تتحمر وتستوي معاكم وبس كدا بالف هناا 😋
  6. بالنسبة لتشغيل الشواية : نحط قطع الفحم علي عيون البتجاز لحد ما النار تلقط فيها بعدين ننقلها عالشواية ونهوي عليها ب مروحة او كراسة
عجبتك الوصفة؟
شوف كل وصفاتنا في مكان واحد
كل الوصفات →