→ كل الوصفات

كفتة فراخ بالشعرية

انا كنت كل مره اعمل كرات كفتة الفراخ لإما بالصوص او مع الرز المرة دي جددت منها وعملتها بالشعرية وطلعت ماشاء الله تبارك الله حلوة إن شاء الله هتعجبكم #جددت_وصفتي #الشيف_الذهبي #الخميس

  • 1/2 : 1 ك فراخ مفرومة
  • 1/4 : 1/2 كوب كرفس مفروم
  • م ص ثوم مهروس
  • ملح وفلفل أسود حسب الرغبه
  • رشة قرفة
  • رشة حبهان بودرة
  • 2 كوب شعرية قابل للزيادة ع حسب كمية الفراخ وطاجن المستخدمين
  • م ص توابل فراخ
  • بصلة متوسطة مفرومة
  • 2 فلفل رومي مفروم
  • ماء مغلي كافي للتسوية
  • بيضة
  • 2 م ك بقسماط
  • مكعب صغير زبدة ورشة زيت
  1. تحمصي الشعرية في حلة ع نار مع زبدة مع رشة من القرفة و حبهان وملح لحد مالونها يكون ذهبي ونحط ميه ع شعرية ونسيبها لحد ماتتشرب
  2. وتجيبي بوله وتخلطي الفراخ مع الكرفس و التوم والبصل و الفلفل الرومي و نحط توابل فراخ مع ملح وفلفل و بيض و نقلبهم كويس و نحط بقسماط علشان الكفتة تمسك
  3. و نشكل الكفتة كرات ونشوحها في طاسة لحد مالونها يكون دهبي
  4. وبعدين نحط الشعريه في طاجن والكفتة فوقها ونحط ميه سخنه عليها ونحطها في الفرن لحد ماتنضج وبألف هنا❤️
عجبتك الوصفة؟
شوف كل وصفاتنا في مكان واحد
كل الوصفات →