→ كل الوصفات
طريقة عمل كفتة فراخ لايت بالشوفان سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- 1 صدر فرخة, منزوع الجلد و مفروم
- 2 معلقة لحم, مفروم
- 3 معلقة شوفان, منقوع في ماء مغلي
- 1 بصلة, مفرومة ومعصورة تماما
- معلقتين بقدونس, مفروم, الأوراق فقط
- 1 صفار بيضة
- معلقة صغيرة بيكنج باودر
- ملح
- فلفل
- جوزة الطيب
- قليل زيت, للتصبيع و التبطين
طريقة التحضير
- في المفرمة, هنحط الفراخ واللحمة المفروم والبصل المفروم المصفى والتوابل والبودر وصفار البيضة والبيكنج باودر
- هنصفي الشوفان في مصفاة كويس اوي. ونضيفه على باقي المكونات ونفرمهم سوى
- هنحطها في طبق ونضيفة ليها البقدونس المفروم ناعم جداً ونمزجهم كويس
- هتلاقي العجينة بتلزق معاكي. هنمسح ايدنا بزيت خفيف ونصبعها. ونرصها في صينية مدهونة زيت خفيف. وندخلها فرن مسخن مسبقا, لحد ما تستوي
- على ماتستوي الكفتة, هنحط فحمة على النار لحد ما تبقى جمرة
- في وسط صينية الكفتة, هنحط ورقة فويل نشكلها زي طبق صغنن ونحط فيه الفحمة. وننزل عليها بمعلقة زبدة او زيت صغيرة. هتدخن نقفل الصينية بسرعة بغطا ونسيبها تتشرب ريحة الشواء
- وكلي اطعم كفتة بالهنا والشفا وخفيفة جداً. 😋😋😋
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد