→ كل الوصفات
#عيد_الاضحى
المقادير
- 1/2 كيلو لحمه مفرومه
- 2 بصله كبيره
- 1/4 كوب بقدونس
- معلقه صغيره ملح
- معلقه صغيره فلفل
- معلقه صغيره بهارات لحمه
- كيس خلطه الكفته من العطار(اختياري)
- 2 معلقه كاتشاب ومعلقه زيت
طريقة التحضير
- نفرم البصل ناعم ونصفيه ونضيف التفل بتاعه بس على اللحمه ونخلط عليهم البقدونس والملح والتوابل ونسيبها في التلاجه شويه
- نجيب صينيه نمسحها بالزيت ونصبع الكفته على عيدان خشب ثم نرصها في الصينيه ثم نخلط ميه البصل اللي صفيناها على معلقتين الكاتشاب ومعلقه الزيت ونمسح الكفته بيهم وندخلها الفرن او نسويها على الجريل او الشوايه حسب الرغبه
- نولع فحمه ونحطها في ورقه فويل ونحطها في نص صينيه الكفته بعد ماتخرج من الفرن ونحط عليها معلقه زيت ونغطيها كويس ونسيبها تاخد ريحه الشوي وتقدم بالف هنا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد