→ كل الوصفات
#وصفتي_الأولى
المقادير
- 1/2 كيلو لحمة مفرومة وعليها 15% دهن
- بصلة كبيرة
- معلقة ملح
- معلقتين فلفل أسود
- رشة السبع بهارات
- معلقة بيكنج باودر
- معلقة نشا صغيرة
- معلقة زيت
طريقة التحضير
- هنفرم البصلة الكبيرة في الخلاط ونصفي منها المية بتاعت البصل ونفصل البشر عن المية
- هناخد بشر البصل نحطه على اللحمة المفرومة مع الدهن ونشيل مية البصل على جمب هنحتاجها
- نحط الملح والفلفل والسبع بهارات والنشا والبيكنج باودر ونقلب كويس جدا ونسيب اللحمة ترتاح في التلاجة نص ساعة
- في الوقت ده هنكون ناقعين اسياخ خشب في مية عشان ماتتحرقش
- وهناخد المية بتاعت البصل نضيف عليها معلقة زيت وشوية فلفل اسود وملح
- هنطلع اللحمة ونبتدي نصبعها على أسياخ الخشب وبعد ما نصبعها هنجيب فرشة وناخد من الخليط بتاع مية البصل والزيت ونمسح بيها على الكفتة
- نشغل الفرن على درجة حرارة 220 ونسيبه يسخن خلال الفترة دي هنحط الكفتة المتصبعة في الفريزر ربع ساعة عشان تتماسك
- لما الفرن يسخن هنحط صينية في الفرن من تحت خالص فيها مية سخنة وهنرص في النص على الشبكة الكفتة بتاعتنا ونسيبها تتشوي وبألف هنا 😍
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد