→ كل الوصفات

كفتة مشوية بالخضار المشوي

والله اللي مش هيجرب الوصفة دي هيفوتوا كتير بجد انتو حرين بقي 😋

  • شرايح بصل
  • طماطم شرايح
  • شرايح فلفل
  • 4 م ك زيت او على حسب كمية الخضار
  • م ص من (ملح ، فلفل ، بابريكا مدخنة)
  • ¼ لحمة مفرومة
  • 1 بصلة كبيرة
  • 1 بطاطس
  • م ص من (فلفل ، بهار لحمة ، بابريكا مدخنة)
  • رشة قرفة (اختباري)
  • ملح
  1. اولا الخضار : قطعت شرايح(بصل ، طماطم ، فلفل) كتير ، وتبلتهم بالتتبيلة السابقة وفردتهم في صينية ،
  2. ثانيا الكفتة : في الكبة فرمت ناعم (البصل ، البطاطس) وعصرتهم ونزلت مايتهم على الخضار ، بعدين فس بولة نزلت اللحمة والخضار المبشور والتوابل وعجنتهم وشكلهم صوابع ورصيت الكفتة على الخضار ،
  3. بعدين رشيت رشة زيت بسيطة على الكفتة والصينية كلها وغطتها بورق فويل ودخلتها الفرن لحد لما استوت والخضار دبل ، بعدين شيلت الفويل وفتحتوالشواية تأخذ لون من فوق ،
  4. بعدين في الصينية حطيت فحمة مولعة في ورق فويل صغيرة ونزلت عليها بشوية زيت وغطيت الصينية عشان تأخذ طعم وريحة الفحم ،
  5. هاتي بقي عيش شامي مثلا وحطي كفتة ، وخضار مشوي وعليه شوية سلطة طحينة، ولو عاوزاه سبايسي زودي ملعقة هريسة شطة (في وصفاتي) في الساندويتش ، ولفي العيش واستمتعي 😋😋 وبالف هنا 🙂
عجبتك الوصفة؟
شوف كل وصفاتنا في مكان واحد
كل الوصفات →