→ كل الوصفات
طريقة عمل كفتة مشوية بدبس الرمان تحفة سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- 1/2 ك لحمة مفرومة
- بيضة
- ملح و فلفل
- 1/2 ملعقة كبيرة بهارات كفتة (من عند العطار)
- كوب بقدونس و كزبرة مفروم ناعم
- بصلة كبيرة مفرومة ناعم
- ماء بصل
- ملعقة صغيرة دبس رمان
- 1/2 كوب بقسماط ناعم.. ممكن تستبدليه برغيف عيش مبلول و مفروم
طريقة التحضير
- نضيف المكونات كلها ماعدا ماء البصل و نخلط كويس لحد ما كله يختلط مع بعض
- نجيب مسن او اسياخ خشب و نبدأ نصبع الكفتة.. نكون محضرين طبقة فيه ماء بصل و نبل ايدينا و نصبع و بعد كدة نطلعها من المسن.. لو هتعملي على سيخ ممكن تشويها بيه او من غيره.. زي ما تحبي
- بعد ما نخلص الكمية اللي معانا نكون محضرين صينية مدهونة زيت قليل اووي و نرص الكفتة فيه
- دخليها الفرن سخن في الرف الاوسط لمدة 10-15 دقيقة و اقلبي الكفتة على الجهة التانية عشان تستوى و تتحمر كويس
- و بالف هنا يا حبايبي.. فيدوني برأيكم 🤗😊
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد