→ كل الوصفات

🌸 كفتة مشوية تحفة 🌸

على البوتاجاز من فوق كمان😉

  • 750 جرام لحمة مفرومة
  • 2 حبة بصل متوسطة
  • 4 ملعقة كبيرة بقدونس مفروم
  • 1 ملعقة ملح
  • 0.5 ملعقة كزبرة ناشفة
  • 0.25 ملعقة فلفل أسود مطحون
  • 0.5 ملعقة بهارات الكفتة
  1. نضرب البصل في الكبة ونخليه مفروم
  2. نضرب البقدونس في كبة الخضروات ونخليه مفروم بس يكون ماسك نفسه مش ماية يعني لا مفروم بس مش اوي علشان ميخليش الكفتة تسيب منك
  3. نضيف البقدونس والبصل والتوابل على اللحمة ونقلبها ممكن بإيدينا علشان تخلط مع اللحمة كويس
  4. بعد ما خلطنا كله ببعضه هنسيبها ترتاح في الثلاجة ساعة ونصف ع الأقل وبعدين نخرجها
  5. هنعمل الكفتة على شكل أصابع تخينة وبعدين نرصهم في طبق
  6. نجيب صنية تيفال أو طاسة تيفال وندهنها سمنة أو زيت ندهن بسسسس وبعدين نسخنها اووي وننزل بالكفتة علشان تاخد صدمة ومتنزلش ماية وبعدين نقلبها على كل الجوانب وبعدين تغطيها بغطا ونوطي النار خالص وكل شوية نقلبها
  7. بالظبط مش هتكمل على النار ٢٠ دقيقة وهتكون استوت وبقت جميلة وزي الفل وبألف هنا وشفا😍🌸
عجبتك الوصفة؟
شوف كل وصفاتنا في مكان واحد
كل الوصفات →