→ كل الوصفات
حبيت أعمل كفتة مشوية متل الكباب وبنفس الوقت سريعة .. لهيك طبختها على الغاز .. جربت هالطريقة من اختراعي وكانت أطيب مما تخيلت 😉
المقادير
- 0.25 كيلو لحمة كفتة (كباب)
- خضار متنوعة متل ما بتحبوا.. أنا استخدمت :
- حبة كوسا متوسطة
- حبتين بصل وسط
- 0.25 كوب فاصولياء خضراء
- حبة فليفلة صغيرة
- حبتين بندورة وسط
- 6 حبات ثوم
- ملح
- كزبرة ناشفة (حسب الرغبة)
- فلفل حار (حسب الرغبة)
- ملعقة صغيرة زيت (عند الضرورة فقط)
طريقة التحضير
- في مقلاة وبدون زيت نشوي قطع الكباب على جميع الجهات.. تحتاج تقريباً من 5 - ٧ دقائق حتى تنضج
- في نفس المقلاة (وبدووون زيت إن كانت اللحمة دسمة) وإن لم تكن دسمة ممكن نضيف ملعقة صغيرة من الزيت.. ثم نضيف ثلاث حبات ثوم مهروس.. بصلة واحدة مقطعة شرائح طولية.. وباقي الخضار (ماعدا البندورة) ورشة ملح وكزبرة ناشفة أو أي بهار بتحبوه ونقلب باستمرار حتى نصل إلى الخضار السوتيه.. تحتاج تقريباً 10 دقائق حسب شدة النار
- بعد نضوج الخضار ننقلها إلى منتصف صحن التقديم مع الكباب
- في نفس المقلاة نحضر قلاية البندورة (أيضاً بدون زيت) نضع ثلاث حبات ثوم مفروم خشن.. بصلة مقطعة ورشة ملح.. نقلب قليلاً حتى يذبلوا ثم نضيف حبيتين بندورة مفرومة وحوالي فنجان أو فنجانين ماء.. ونتركهم يغلوا حتى نصل إلى صوص طماطم ثقيل.. نضيفه إلى جوانب طبق التقديم حتى لا يختلط مع الخضار السوتيه.. وصحتين وألف عافية ❤️
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد