→ كل الوصفات

كفتة مشوية في الفرن

خلطة مضمونة 200% 😎 #اكلات_من_القلب

  • كيلو لحمة مفرومة فرم خشن
  • 2 بصلة كبيرة
  • 0.5 كوباية برغل
  • 1/4 كيلو لية ضاني
  • بقدونس مفروم فرم ناعم
  • ملح
  • فلفل
  • قليل من بهارات الكفتة
  • لأن المبالغة في البهارات بتغطي على طعم الكفتة المطلوب
  • ولو مش عندك ممكن تستغني عنها
  • سلطة المشاوي: شرائح بصل وبقدونس مفروم وملح ورشة سماق
  1. في الكبة افرمي اللية كويس جدا وطلعيها في الطبق اللي هنعجن فيه
  2. انقعي البرغل في مية دافية حوالي ربع ساعة وبعد كده صفيه كويس
  3. وبعدين حطي البصل في الكبة مكان اللية وافرميه فرم ناعم وصفيه كويس من ميته لاننه هنستخدم تفل البصل بس في العجن
  4. في طبق هنحط اللية وعليها اللحمة وتفل البصل والبرغل والبقدونس المفروم والملح والفلفل والبهارات ونعجنهم كويس
  5. هنشكل اصابع الكفتة بحيث تبقى مجوفة من جوة ونرصها في صينية
  6. مية البصل اللي فضلت هتلاقيها تخينة شوية لانها واخدة بواقي اللية اللي في الكبة حطيها على وش الصينية قبل دخولها الفرن
  7. ندخلها الفرن على درجة حرارة عالية لمدة 20 دقيقة تقريبا
  8. في الوقت ده نجهز سلطة المشاوي
  9. نقدمها فوق السلطة وبالهنا والشفا
عجبتك الوصفة؟
شوف كل وصفاتنا في مكان واحد
كل الوصفات →