→ كل الوصفات
وصفة مميزة للكفتة مع بطاطا مشوية بالفرن وتزاتريكي بارد
المقادير
- كيلو بطاطا
- ملعقة كبيرة زيت
- ملح و فلفل
- فنجان بقسماط
- 1 بيضة
- 200 مل ماء
- 500 غرام لحم مفروم (بقر)
- ملعقة صغيرة ملح
- رشة فلفل
- 1 ملعقة كبيرة زبدة
- 4 خيارات صغار
- 1/2 ملعقة صغيرة ملح
- 1 فص توم
- 200 مل زبادي
طريقة التحضير
- شغّلي الفرن ع درجة حرارة 225
- البطاطا المشوية: اغسلي البطاطا منيح وقطّعيها شرايح. حطّيها بصينية بتدخل عالفرن، ورشي عليها شوية زيت. ملّحيها وبهّريها شوي. دخّليها عالفرن بالنص وخليها تتحمّر شي 30 دقيقة لحتى تصير دهبية
- الكفتة : حطّي البقسماط، البيضة، وكاسة مي بوعاء. خلّيهن شوي ليشرب البقسماط المي. بعدين نزلي اللحمة، الملح والفلفل، وخلّطيهن منيح. شكّليهم على شكل دوائر صغار
- قلّي الكفتة: حطي شوية سمنة أو زبدة بمقلاية وسخّنيها ع نار وسط. قلّي الكفتة من الجهتين لحتى تاخد لون. لما يضل عالبطاطا بالفرن شي 10 دقايق، حط الكفتة معهن لتكمل استواها
- التزاتزيكي (Tzatziki): خدي الخيارة وبرشيها عالجهة الخشنة من المبشرة. رشّي نص كمية الملح عليها، وخلّيها شوي لتطرى. بعدها، عصريها منيح بيدك لتطلعي منها المي. اخلطي الخيارة مع باقي الملح، وثومة مهروسة، واللبن
- قدمي الكفتة مع البطاطا والتزاتزيكي و شوية خس
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد