→ كل الوصفات
#المريول_السوبر أكلة سهلة وسريعة وكل الاولاد متفقين عليها
المقادير
- 1/2 كيلو لحم مفروم
- 1/2 كيلو بصل
- 1/2 قرن فلفل احمر حلو
- 1/2 قرن او واحد كامل لو القرون صغيرة فلفل اخضر
- حزمة بقدونس
- ملعقة ملح
- ملعقة فلفل اسمر
- ملعقة بهارات لحم
- كيلو الا ربع معكرونة سباغيتي
- كيلو صلصة طماطم
- فصين ثوم
- واحدة صغيرة بصلة مبشورة
طريقة التحضير
- نفرم البصل مع الفلفل فرم ناعم
- نضيف اللحم على البصل والفلفل المفروم ومعاهم البهارات ملح وفلفل اسمر وبهارات اللحم وندمجهم كويس جداً مع ملعقة دقيق ولو عندك كبة ادمجيهم سوا فيها هيكون احسن كتير
- نفرم البقدونس فرم ناعم ونضيفها على خليط اللحم السابق ونخلطهم جيداً
- نترك الخليط ١٠ دقائق ونبدأ نصبع الكفتة سواء صوابع أو كور انا عملت جزء صوابع وجزء كور
- ندهن الصينية حتة زبدة او ملعقة زيت زيتون ونضع فيها الكفتة ونحطها على النار ونغطيها لغاية ما تستوي ونقلبها براحة علشان مش تتهرى أو تفك
- حلة على النار فيها شوية زيت نبشر بصلاية صغيرة مع فص ثوم ونشوحهم على النار ونضيف ليها عصير الطماطم ولو الطماطم لونها فاتح ضيفي ليها ملعقة معجون طماطم مع ملح وفلفل وأوريجانو ولو عندك ريحان ضيفي كام ورقة هيديها طعم وريحة ولا اروع ونتركها تتسبك
- حلة على النار فيها مية وملح ونسلق المكرونة ومجرد ما تتسلق نصفيها من الماء كويس ونضيفها للصلصة ونقليها كويس
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد