→ كل الوصفات

كفته الحاتي

طعمها جميل جدا جربوها وبإذن الله تعجبكم

  • كيلو لحمه ويكون عليه نسبه دهون ونفرمه ناعم
  • 3 بصله مبشورين
  • بياض بيضه واحده
  • معلقه صغيره بيكنج بودر
  • البهارات
  • ملح
  • فلفل اسود
  • بهارات سبعه
  • توم بودر
  • بابريكا
  • ماء البصل
  • معلقه صلصه
  • معلقتين زيت
  • ملح وفلفل
  • رشه سكر
  1. في البدايه هفرم اللحمه وبعدين افرم البصل واصفيه من الميه عشان هاخد التفل بس والميه هحتاجها بعدين
  2. اجيب بوله واضيف فيها اللحمه وعليها تفل البصل وبياض البيضه والبيكنج بودر والبهارات واخلطها كويس
  3. بعد كده اتركها ف التلاجه نصف ساعه
  4. بعد ماخرجتها من التلاجه ابدأ اصبعها علي السيخ ويكون جنبي طبق فيه زيت عشان وانا بصبعها ادهنها بالزيت وارصها ف الصنيه مدهونه زيت
  5. طبعا قبل ماتدخل الفرن لازم ادهنها بالخلطه اللي عملتها وهي ماء البصل والصلصه والزيت والبهارات والسكر واخلطهم كويس وبعدين ادهن وشها وبعد كده ادخلها الفرن لحد ماتستوي وتاخد لون جميل وبعد ماتطلع نكون مولعين فحمه وتضعيها علي ورقه من الفويل وعليها نقطه زيت وتغطي عليها عشان ريحه الفحم وتقدم وبألف هنا
  6. وبكده تكون الوصفه خلصت يارب تعجبكم في ملحوظه هقولكم عليها *السكر بيعطيها لون وكرمله متقلقيش مش هيخليها مسكره وبعدين دي رشه بسيطه جدا *البيكنج بودر بيخليها مفرغه ومش مكتومه لو حد ليه اي سؤال انا تحت امركم
عجبتك الوصفة؟
شوف كل وصفاتنا في مكان واحد
كل الوصفات →