→ كل الوصفات

كفته الحاتي 😋

طريقة عمل كفته الحاتي 😋 سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • ½ كيلو لحمة
  • كوب برغل منقوع ومتصفي م الماء
  • معلقه صغيره كزبره ناشفه
  • معلقه صغيره بابريكا
  • معلقه صغيره فلفل اسود
  • معلقه صغيره ملح
  • بقدونس (حسب الرغبه)
  • بصل مطحونه كويس ونشيل ميتها على جنب
  • معلقه صغيره نشا
  • معلقتين صغيرين دقيق
  1. هنحط المكونات كلها على بعض ونقلبها ببعض
  2. هنحط المكونات في الكبه عشان يتفرموا كلهم مع بعض... هتبقي بالشكل ده بعد الفرم
  3. هنجيب ماء البصل نحط عليها ملعقة كبيره صلصة طماطم ونقطه زيت صغيرة ونقلبهم ببعض
  4. نجهز صينيه ممسوحه بشويه زيت
  5. نأخذ م خليط الصلصة ونحط على ايدينا واحنا بنصبع الكفته عشان الكفته تبقي محمره شويه. ولو اتبقي شويه صلصة تاني نمسحها بالفرشاه على الكفته
  6. ندخلها الفرن على حراره 180 من فوق وتحت لحد ماتستوي... وقبل التقديم نحط فحمه في الصينيه ونطفيها بمعلقه سمنه صغيرة ونغطي الصينيه على طول.. ريحتها بتبقي تحفه وبالهنا والشفا
عجبتك الوصفة؟
شوف كل وصفاتنا في مكان واحد
كل الوصفات →