→ كل الوصفات

كفته الرز وبطاطس بالفرن بشكل مختلف

وصفة سهلة وبسيطة وتحسوها اخف من انها تطبخ ع بوتجاز ..طبعا عجينه كفتة الرز انا كتباها في وصفة كفته الرز عندي ع صفحتي تقدروا تدخلوا تشوفها وجربوا الوصفة دي هتعجبكم جدا بإذن الله⁦❤️⁩ #تحدي_الحروف

  • عجينه كفتة الرز كمية حسب الرغبة
  • 3 بطاطس
  • زيت للقلي
  • م ك سمنة
  • بصلة متوسطة او صغيرة مقطعة مكعبات صغيره جدا
  • 1/2 كوب عصير طماطم
  • ملح وفلفل اسود حسب الرغبه
  1. لتحضير صلصة : ف حلة ع البوتجاز هحط سمنه ولما تسيح هحط البصل واقلب لحد مايدبل
  2. وبعدين انزل بعصير طماطم و ملح وفلفل واخلطهم بعدين اسيبها تتسبك لو حسيتي صوص تقيل بزيادة ممكن تخففيه بشوية مرقة واول لما يتسبك ويغلي نقفل عليه
  3. هتكوري كفته الرز وتبططيها كده تبقي زي برجر شوية و اقليها ف زيت
  4. وبعدين قطعي بطاطس بردو دواير بس مش عريضه اوووي ولا رفيعه اوي و اقليها ف زيت
  5. هاتي طاجن رصصي الكفته وبطاطس بطريقة صفوف يكونوا واقفين بس بشكل انك تحطي مرة كفته ومره بطاطس وبعدين كفته وبعدين بطاطس وهكذا وحطي صلصه عليهم و حطيها ف الفرن تختلط بس بالصلصه لان كده كده كل حاجه مقليه ومستويه مجرد بس يندمجوا ويطبخوا مع بعض ف الفرن هتطلعيها جنب رز بالشعريه وبألف هنا ⁦♥️⁩
عجبتك الوصفة؟
شوف كل وصفاتنا في مكان واحد
كل الوصفات →