→ كل الوصفات
هي للغداء او العشاء
المقادير
- ½ لحمة مفرومة مستورده عادي جداً ولو متوفر بلدي دا برحتكو خالص
- 2 بصلة كبيرة لو حبين الكمية اكتر خليهم 3
- 2 طماطم وسط
- 2 قرن فلفل اخضر
- لو متوفر معاكو نص ربطه بقدونس يكون تمام لكن مكنش متوفر عندي
- لو اللحمة مستورده ومتوفر عندكو ليه في اللفليزر هنضيف منها قطعة نبشرها ناعم ونخلطها مع اللحمة هتكون حلوه جداً مفيش عادي جداً مش اساسي
- ½ معلقه ص فلفل اسود
- معلقتين ص بهارات كفته
- نص ما ص ملح او اكتر حسب الرغبة
- نص ما ص 7 بهارات
- كيس فيچيتار حار او عادي
- بيضة تكون كبيره او اتنين صغيرين
- ملعقة كبيره نشا
طريقة التحضير
- هنبشر البصل والطماطم ناعم جداً
- وهنصفي الماء بتاعتهم في الصينية اللي هتحطي فيها الكفته وبعدين لو الليه متوفره هنبشر منها في المبشره كدا
- اللي مش متوفر عندها الكبه تعمل في المبشره في الجزء الصغير منها نمشي الدنيا مش هتقول لا
- وبعدين هنضيف اللحمة وكل الخضار والبهارات ونخلطهم كويس جداً
- وبعدين نصبعها الحجم اللي بتحبوه انا بعملها كدا وهنحطهم على ماء البصل
- وبعدين هنحط ملعقة زيت كبيره وندخلها الفرن اول ما تقرب تستوي هنشغل الشويه
- واللي عنده فحمه يحطها هتدي ريحه الشوي اللي حابب يسوي على البوتجاز وبعدين يحطها تأخذ لون في الفرن برده مفيش مشكله
- النص كيلو بيطلعو معاكو من 30 لي 35 واحد فكميه هتكون كويسه وطعم روعه وتكلفه مش عاليه وبالف هنا عليكو
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد