→ كل الوصفات

كفته اللحمة المفرومة بصوص البشاميل

طريقة عمل كفته اللحمة المفرومة بصوص البشاميل سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • 1/2 كيلو لحمة مفروم
  • بصل مفروم ناعم مصفى من الماء
  • ملح، فلفل اسود
  • نص ملعقة صغيرة بابريكا
  • كزبرة ناعمه جداً
  • مكعب مرق دجاج
  • 2 ملعقة زبدة
  • 2 ملعقة دقيق
  • كريمة لباني للطهي او لبن حليب حسب الرغبة
  1. في طبق هنحط اللحمة المفرومة وعليها البصل المفروم بس نكون مصفين منو الماء ونركن الماء بتاعه البصل على جنب وبعدين نحط التوابل بتعتنا (الملح والفلفل الاسود ومكعب مرقه الدجاج والكزبره) ونقلبهم كويس جداً لحد ما كل المكونات تتجانس مع بعضها ونركنها وبعدين هنجيب مية البصل ونبل ادينا بيها ونكور اللحمة كور مش كبيره اوي ومش صغيرة اوي ونحطها في صينية مدهونة زبدة وبعد منخلصها نحطها في الفرن لحد متستوي ونسيبها في الفرن لحد منجهز مكونات الكريمة او صوص البشاميل
  2. وصوص البشاميل: هنجيب طاسه ونحط فيها ملعقة زبدة ونسيحها وبعدين نحط الدقيق ونفضل نقلب لحد ما نلاقي لونه بدء يغمق شويه مايل للون البيج الفاتح وبعدين نحط الكريمة او اللبن ونحط مكعب مرقه دجاج وملح وفلفل اسود ونقلب كويس لحد منلاقي الصوص مش تقيل اوي ومش خفيف اوي ونطفي عليه ونقلب الكفته اللي في الصينية ونقلبها كويس في الصوص وممكن نعمل فحمه هتكون طعمها احلى كمان
  3. ممكن الوصفه دي يتعمل معاها رز ابيض وصلطه وطحينه انا عن نفسي بعمل رز وصلطه وطحينه مع العيش وبالف هنا ❤️🥀
عجبتك الوصفة؟
شوف كل وصفاتنا في مكان واحد
كل الوصفات →