→ كل الوصفات

كفته بالبطاطس

كفته حسن باشا....صنية بطاطس باللحم المفروم في الفرن... هي محشيه بالبطاطس البيوريه "المهروسه" بتتقدم مع الرز بالشعريه 💕

  • 0.5 كيلو لحمه مفرومه
  • بصله مبشوره وفصين ثوم
  • ملح وفلفل وتوابل
  • 2 معلقه كبيره بقسماط
  • بيضه
  • 3 بطاطس مسلوقه صحيحه
  • كوب لبن ورشه ملح
  • 2 معلقه سمنه
  • باكو صلصه طماطم
  • 2 طماطم مبشوره
  • كوب ماء
  • فصين ثوم
  • معلقتين سمنه علي زيت
  • ملح وفلفل واي توابل تحبيها
  • جبن شيدر
  • بقدونس للتزيين
  1. هنفرم البصله والثوم ونخلطها مع اللحمه والبيضه والملح والفلفل والبهارات والبقسماط ونعجنهم سوا ونضعهم في الثلاجه لمده لاتقل عن نصف ساعه
  2. هنسلق البطاطس صحيحه ثم بعد ان تنضج نقشرها و نبشرها ونضعها في مقلاه مع السمنه ونقلبها جيدا لتمتزج ببعضها ونضع اللبن ورشه الملح شويه شويه لحين ان تمتزج جيدا وتصبح بيوريه ناعم ونضعها جانبا
  3. هنبدأ بتشكيل اللحمه مثل شكل الفنجان او الخرشوف مجوفه من الداخل يعني هنكورها ونجوفها من الداخل ثم نضعها في الفرن لتنضج وتحمر ملحوظه :احنا بنجوفها من جوه عشان هنحشيها بعد ماتستوي
  4. هنحضر الصلصه نحمر فصين التوم في سمنه على زيت ثم نضع باكو الصلصه والطماطم المبشوره وكوب ماء ونسيبها لحد ما تتسبك
  5. هنطلع الكفته من الفرن ونبدأ نحشيها بطاطس بالمعلقه هنملاها بطاطس وممكن اضافه نضع علي كل واحده بعد ان نحشيها قطعه جبن شيدر ثم نرصها ونضع الصلصه ثم نضعها في الفرن الساخن لمدة ربع ساعة والف هنا وشفا ويارب تعجبكم
عجبتك الوصفة؟
شوف كل وصفاتنا في مكان واحد
كل الوصفات →