→ كل الوصفات

كفته بانيه ، ناجتس ، بوفتيك كداب (٣× ١)

#رمضانك_اقتصادي_مع_حملة_اطبخها_اقتصادي وهو دة شعارنا في رمضان ان شاءالله،، وكل عام وانتم الي الله اقرب 🕋📿،،، بسبب الازمة الاقتصادية العالمية، أطلقت حملتي الجديدة حملة #اطبخها_اقتصادي، واللي هدفها ان شاءالله هو طبخ جميع الوصفات ولكن بطريقة اقتصادية واقتراح بدائل لأحد مكوناتها الغالية الثمن ان وجد، والله ولي التوفيق 🌷🌷 لمعرفة التفاصيل والمشاركة رجاء التواصل معي

  • ¼ مفروم لحم او فراخ
  • 1 بصلة مبشورة ومعصورة
  • 1 بطاطس نية مبشورة ومعصورة
  • م ك نشا
  • م ص من (بهار مشكل ، فلفل ، بابريكا ، قرفة، زعتر)
  • بيضة
  • رغيف عيش فينو (مذاب في ماء البصل والبطاطس المعصورين)
  • ½ كوب بقسماط
  • ملح
  • ½ كوب بقسماط
  • 2 م ك دقيق
  • م ك نشا
  • التوابل المفضلة
  • ملح
  • بيضة
  • ¼ كوب لبن
  • رشة من (ملح ، فلفل)
  • بشر ليمونة (اختياري)
  1. اولا عجينة اللحم : اخلط كل مكوناتها مع بعض واذوب الرغيف الفينو في ماء البصل والبطاطس المعصورين ، وبعدين اصفيه واضيفه للكفتة واعجنها كويس جدا جدا لحد لما اوصل للعرق الابيض دة ،
  2. ثانيا الفجيتار : حمصت عيش فينو وطحنته وخلط كل مكونات الفحيتار السابقة ،
  3. ثالثا خليط البيض : خلطت برده كل المكونات السابقة مع بعض ،
  4. رابعا التشكيل : ١/ لو عاوزة تشكليها (بوفتيك كداب) : خودي كورة من العجينه وافرديها بين كيسين بشكل عشوائي كدة شبه اللحمة وحطيها في دقيق ، ثم خليط البيض ، ثم البقسماط ، ٢/ لو عاوزة (ناجتس) : افردي العجينة بين كيسين ودخليها التلاجة تجمد شوية وبعدين قطعيها بالقطارة الأشكال ، وغلفيها بنفس الخطوات ، ٣/ لو عاوزة (كفتة بانيه) : يبقي شكليها زي ما انا عملاها كدة مدورة وغلفيها بنفس الخطوات ،
  5. ممكن تخزينها في الفريزر وممكن تقليها في زيت غزير علي حرارة وسط عشان تستوي من جوة لبرة وبس كدة ،
عجبتك الوصفة؟
شوف كل وصفاتنا في مكان واحد
كل الوصفات →