→ كل الوصفات

كفته بانيه

طريقة عمل كفته بانيه سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • ½ كيلو لحمة مفرومة
  • بصله كبيره مبشوره ومعصوره من الماء
  • 3 معالق بقسماط مطحون
  • ملح وفلفل اسود حسب الرغبة
  • بيض وبقسماط للتغليف
  • زيت للقلي
  1. نفرم اللحمة المفرومه فرم ناعم و نحط عليها تفل البصل
  2. نضيف ٣ ملاعق البقسماط عشان تساعد اللحمة المفرومه تكون ماسكه نفسها
  3. نتبلها بملح و فلفل اسود ورشه بهارات لحمة
  4. وممكن نضيف بقدونس مفروم بيكون جميل جداً ولما كله يتخلط مع بعض كويس جداً نشكلها على شكل كور و نبططها شويه و ندخلها الثلاجه عشر دقائق بس ترتاح
  5. لما تطلع يادوب نعفرها بس بالدقيق و بعد كده نحطها في طبق بيض متخفف بشويه لبن و ملح و فلفل و نطلعها على البقسماط انا بحب أضيف للبقسماط رشه كركم عشان يطلع لونها حلو وممكن بلاش عادي جداً وممكن كمان نزود ملعقة نشا للبقسماط عشان تكون مقرمشه و متاخدش لون بسرعه في الزيت
  6. بعد ما كلها اتغلفت احطها في الفريزر حوالي نص ساعة بس بعد كده اطلعها في زيت يكون سخن على نار وسط لما تأخذ لون ذهبي من ناحيه اقلبها على الناحيه التانيه واطلعها على مناديل وبالهنا و الشفا
عجبتك الوصفة؟
شوف كل وصفاتنا في مكان واحد
كل الوصفات →