→ كل الوصفات
طريقة عمل كفته داوود باشا سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- 500 جرام لحم مفروم
- بصله صغيره مبشوره
- معلقه صغيره فلفل اسود
- معلقه صغيره ملح
- قليل من البقدونس المفروم ناعم
- 2 معلقه دقيق
- لعمل الصلصله
- 4 كوب عصير طماطم فريش
- بصله متوسطه
- 2 فص ثوم مقطع صغير
- معلقه كبيره صلصله
- معلقه سمنه كبيره
- 3 معالق خل ابيض
- ملح وفلفل اسود حسب الرغبه
طريقة التحضير
- نعصر البصله كويس وناخد التفل بتاعها ونحطه على اللحمه ونضربها في الكبه مع الملح والفلفل الاسود والبقدونس وبعدين نشكلها على شكل كور متوسطه او صغيره حسب الرغبه
- بعد كده نحطها في طبق فيه معلقتين الدقيق وندحرجها فيه يا دوبك تاخد رشه بسيطه من الدقيق
- بعد كده نولع الفرن وندخلها بعد ما يسخن لغايه ما تاخد لون (ممكن نشوحها في طاسه على النار مع حبه زيت لغايه ما تاخد لون)
- نحضر الصوص بتاعها
- نجيب حله ونحط فيها معلقه سمنه او زيت وننزل بالبصل والثوم ونقلب لغايه ما يدبل وريحتهم تظهر وبعدين نحط عصير الطاطم الفريش وبعد كده معلقه الصلصله وبعدين الملح والفلفل الاسود.. واول ما تغلي نحط الخل ونسيبها تغلي 5 دقايق على نار متوسطه وبعدين نحط الكفته فيها تكمل تسويه ولغايه ما الصوص يتقل
- الرز اللي معاها رز عادي بشعريه بس مقطعه معاه بصله تقطيع صغير جدا جدا جدااا.. بينزل مع الشعريه ويتحمر معاها وبعدين بسوي الرز عادي
- يا رب تعجبكم
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد