→ كل الوصفات
انا من عشاق الوصفة دي و يارب تعجبكم
المقادير
- ½ كيلو لحمه مفرومه بدهن
- 2 حبات فلفل اخضر حامي وبارد حسب الرغبة
- 2 بصل
- ملح وفلفل اسود حسب الرغبة
- ملعقة صغيرة 7 بهارات
- ملعقة صغيرة قرفة
- رشة جنزبيل
- زعتر
- معلقتين بقسماط مطحون
طريقة التحضير
- نفرم البصل و نحطه علي اللحمه و عليها البهارات و البقسماط و نعجن كويس اوى ل ما اللحمه تبقا ملمومه مش مفرولة عشام متفكش معاكي
- نفرم بصلتين متوسطتين و معاهم 4 فلفل اخضر حامي و زيهم بارد فالكبه لحد ما يتقطعوا صغيرين خالص بالشكل دا
- نسخن حلة فيها زيت و نحط البصل و الفلفل عليها و نقلب لحد ما الفلفل لونهيبقا ابيض مش متحمر هي تقلبتين بس ونحط اللحمه ومنقلبش خالص بالحله بس تقلبي من تحت لفوق مش اكتر لحد ما للحمه تمسك وتبدا تنزل ميتها قلبي بالمعلقة عادي ونخفف النار خالص ونسيبها تستوي وهتطلع جميلة ودايبة بالصوص بتاعها اللي نزل منها مع البصل والفلفل وطعمها يجنن بجد لازم تجربوها وبتتقدم مع رز بشعرية
- انا فالاخر بحب احط حته زبدة بلدى بعد ما اطفي النار الطعم بيفرق اوى ❤
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد