→ كل الوصفات

كفته لحمه بانية من بواقي الرز

انا جربتها و حقيقي ما تخيلت جمال الوصفه طلعت احلى من اي توقع فعلا..احنا في ظروف صعبه و لازم نستغل اي خامة عندنا و ما نرمي شئ..تعالوا نشوف عملنا ايه بكوب رز باقي

  • كوب رز بايت
  • بصله كبيرة
  • 300 جم لحم مفرومه
  • ملح
  • فلفل
  • بهار
  • توم بودرة
  • بصل بودرو
  • ½ كوب خضرة
  • للتغطيه...بيض
  • بقسماط
  1. نبدء بسم الله كان باقي عندي كوب رز قديم و كان نشف حطيته في الكبه و حطيت علية بصله مفرومة و طحنت الاتنين كويس جدا جدا
  2. ودة بيكون شكلهم بعد ما اندمجوا سوا كويس..بنحطهم ف بولو و بنضيف الخضرة و كل التوابل المذكورة و ديه بتكون حسب الرغبه في الكمية و نضيف اللحمه و ندعك كويس جدا لحد ما تتصمغ في بعضها و تندمج
  3. وترتاح نص ساعه و نشكلها بالشكل اللي نحبه انا عملتها ع شمل أقراص و نحضر البيض و البقسماط و انا عملت التغطيه مرتين
  4. و ننزل ف زيت غزير متوسط الحرارة لضمان السوا
  5. و تتطلع تقدم مع الارز الابيض او البطاطس المحمرة...طعمها حلو جدا جدا
  6. جربوها هتحبوها و بالف هنا
عجبتك الوصفة؟
شوف كل وصفاتنا في مكان واحد
كل الوصفات →