→ كل الوصفات
طريقة عمل كفته مشويه بالفرن سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- 0.5 كيلو لحمة مفرومه
- 2 بصله وسط مبشورين ومتصفين من المياه
- 2 معلقه بقسماط
- 1 ملعقة صلصة او كاتشب
- 1 (0.5 معلقه كبيره) بيكنج بودرة
- 1 معلقه سمنه او ليه
- معلقه كبيره من خلطه البرجر من ماجي
- التوابل
- رشه ملح صغيره
- فلفل اسود
- وبهارات لحمة
- ورشه صغيرة قرفة
طريقة التحضير
- اول حاجه بنبشر البصل ونصفيه وناخد طفل البصل ونركن مياه البصل هنحاجتها بعدين وبعدين نحط جميع المكونات اللي فوق ونخلطهم مع بعض (خلطه البرجر بتخلي الكفته متماسكه زي الجاهزه بالظبط)🧐
- ونعجن فيهم ١٠دقيق ونسيبهم في الثلاجه تتطعم من التوابل وتتماسك
- وبعدين نخرجها من الثلاجه ونبدا نصبعها بميه البصل (ونحط على مياه البصل ملعقة زيت ورشه ملح وفلفل اسود ورشه جوزة الطيب ومعلقه صلصله او كاتشب)ونجيب صينيه ندهنه زيت خفيف بالفرشه ونحط فيها الكفته وندهنها بالفرشه بباقي مياه البصل وندخلها فرن سابق التسخين وكل شويه نبص عليها ونقلبهم لحد ما تستوي ونحطلها فحمه مولعه وشويه زيت ونقفل عليه تأخذ ريحه الشوي وبالف هنا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد