→ كل الوصفات

كنافة الكب كيك 🍮🍮

#حلويات_رمضان

  • ½ كيلو كنافة
  • ½ كوباية سكر بودرة
  • كوباية سمنة
  • كوبيتين لبن
  • 3 معالق نشا
  • معلقة لبن بودرة
  • معلقة كريم شانتي
  • فانيليا
  • معلقة مية ورد
  • معلقة سكر
  • كوبيتين سكر
  • كوباية ونص ماية
  • عصير ليمونة
  • فانيليا
  1. هنطلع الكنافة من الفريزر ونطلعها نفركها ونفتتها كويس ونحطها ف الكبة عشان تفتت ونحط عليها السكر البودرة وبعدين نسيح السمنة ونفرك الكنافة بالسمنة كويس جدا لحد ما تتشرب من السمنة
  2. هنحضر المهلبية هنحط كل المكونات ع بعض وندوبها كويس وبعدين نرفعها ع النار واول ما تتقل نقفل عليها ونسيبها تهدى
  3. هنجيب قالب الكب كيك وندهنه سمنه ونحط جزء من الكنافة ونضغطه كويس ونعملها سور ونحط المهلبيه من غير ما نوصل للأطراف ونحط باقى الكنافة ونضغط بالراحة وهكذا لحد ما نخلص كل الكبات وندهن وشها سمنة وندخلها الفرن
  4. هنعمل الشربات ونسيبه يهدى خالص واول ما الكنافة تطلع من النار نحط الشربات عليها وبالهنا والشفا
عجبتك الوصفة؟
شوف كل وصفاتنا في مكان واحد
كل الوصفات →