→ كل الوصفات
طريقة عمل كنافة بالشوكولاته سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- 1/2 كيلو كنافة متفرزة
- 3:4 معالق سمنه فلاحي
- 1/4 كيلو شوكولاته
- 125 ملل لبن
- معلقة عسل نحل او جلوكوز للتلميع
- كيس كريم شانتي
- 125 ملل لبن مثلج
- 2 كوب سكر
- كوب ماء
- عصير نصف ليمونة
- كيس فانيليا
- شوكولاته فارماسيل
طريقة التحضير
- الكريمة : نحط اللبن علي الكريم شانتي في بولة عميقة ونضربهم لحد ما تبقي كريمة سميكة
- السيرب : بنعمله قبلها بيوم عشان لازم يبقي ساقع والكنافة سخنه بحط علي النار السكر والماية واول ما يدوب ويغلي ننزل بعصير الليمونة والفانيليا واقلبهم واوطي النار ربع ساعة ونطفي عليه واول ما يبرد نحطه في برطمان وندخله الثلاجة
- الجناش الاقتصادي : بنشر الشوكولاته عشان تسيح بسرعة واحطها في حلة واحطها في حلة اخري بها ماء مغلي واول ما تسيح اشيلها من حلة الماء واحطها علي النار وانزل عليها باللبن والعسل واول ما تغلي نطفي عليها
- نطلع الكنافة من الفريزر ونفتتها ونحطها في حلة وعليها السمنة علي النار وافضل اقلب لحد ما تاخد اللون الدهبي اطفي النار وانزل بالسيرب ونقلبها كويس
- نحيب الكاسات او اطباق الخشاف ونحط طبقة كنافة وطبقة كريمة وطبقة كنافة وطبقة جناش ونزينها بالفارماسيل وندخلها التلاجة وبالف هنا يا رب
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد