→ كل الوصفات
#حاجة_حلوة زوجي يحبها
المقادير
- ½ كيلو كنافة
- كوب سمنة
- لعمل القشطة
- 2 كوب لبن
- 2 ملعقة كبيرة نشا
- 5 ملاعق كبار قشطة وش اللبن
- لعمل الشربات
- 2 كوب سكر
- كوب ونص ماء
- كيس فانيليا
- نصف ليمونة
طريقة التحضير
- نضع الكنافة في الفريزر تجمد شوية وبعدين نطلعها نضربها في الكبة نص ضربة ثم نسيح السمنة ماتكونش سخنة ونحطها عالكنافة ونفركها كويس
- نعمل الشربات وطبعا لازم نعملو الأول ونسيبو يبرد هنحط السكر والمية والفانيليا عالنار وعند بدء الغليان نعصر نص لمونة واسيبهم عالنار ٧ دقائق وتطفي النار ونحطو على جنب يبرد
- هنجيب صينية حلويات انا عملت في الكبيرة مقاس ٣٠ وهنحط نصف الكنافة ونوزعها كويس ونحاول نعمل حرف الصينية بالكنافة عشان الحشوة ماتتحرقش وسيبها ونروح نعمل القشطة
- الحشوة بقى هنحط اللبن عالنار وهاخد منو ربع كوب ادوب فيه النشا واول مايبدا يسخن أضيف النشا والقشطة وأفضل اقلب لحد مايتقل معايا وبعدين اطفي واروح احطو على الكنافة واسيبها تبرد خالص ولازم تبرد كويس وبعد ماتبرد اوزع باقي الكنافة واضغط براحة وبعدين ادخلها الفرن لما تستوي من تحت اولع الشواية تتحمر واطلعها اسقيها بالشربات البارد
- ملحوظة ماتحطوش سكر عالكنافة خالص ولا على الحشوة كفاية الشربات عشان ماتكونش مسكرة اوي وياريت بعد ماتستوي وتخلص تسيبوها شوية عشان الحشوة تبرد وتمسك نفسها
- بالف هنا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد