→ كل الوصفات

كنافة بالقشطة

رمضان علي الابواب ورمضان مينفعش من غير الحلويات الشرقيه #الكنافه #الكنافه_بالقشطة #علي_ضمانتي #طبخه_من_اول_خطوة_مع_ايسوو

  • ½ كيلو كنافه
  • كوب الا ربع سمنه سايحه
  • ½ كوب سكر بودرة
  • كوب ونصف لبن
  • معلقه كبيره نشا
  • ¼ كوب سكر
  • 2 معلقه قشطه
  • 2 كوب سكر
  • 2 كوب ماء
  • 2 كيس فانليا
  • ½ عصير ليمونه
  1. أولا هنعمل الشربات في حلة صغيرة ننزل بالسكر والمايه ونديهم تقليبه وبعدين نرفعه علي النار ٥دقايق وبعدين ننزل عصير الليمون ونوطي النار ٥دقايق كمان وبعدين نطفي النار وننزل بالفانليا ونسيبه يبرد
  2. تآني حاجه القشطه في حله ننزل اللبن و النشا والسكر وندوبهم كويس لحد متأكد إن مفيش تكتلات نرفعه علي النار واول ميتقل نطفي النار وننزل بمعلقتين القشطه وندوبهم كويس وننقله في طبق غويط ونعطي وشه بكيس بلاستيك يكون ملامس القشطه علشان متكونش طبقه علي الوش
  3. في بوله غويطه نقطع الكنافه قطع صغيره جدا(ولو في مطحنه نطحنها ناعم)
  4. ننزل عليها بالسكر البودره والسمنه وندعكها في الكنافه كويس لحد م تتشرب السكر والسمنه
  5. ناخد نصف الكميه نفردها في الصنيه ونزل عليها القشطه و نفردها من غير منوصل الاطراف نعطي عليها بالجزء التاني من كميه الكنافه نسويها كويس
  6. ندخلها علي فرن ساخن درجه حرارة ٢٠٠ لمده ربع ساعه وبعدين نقلبها علي الجنب التاني ربع ساعه تانيه
  7. أول متخرج من النار نسقيها بشربات بارد
  8. وبالف هنا
عجبتك الوصفة؟
شوف كل وصفاتنا في مكان واحد
كل الوصفات →