→ كل الوصفات

كنافة بالقشطة

طريقة عمل كنافة بالقشطة سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • 1/2 ك كنافة
  • 2 كوب لبن
  • علبة قشطة
  • 4 م ك سميد
  • ½ كوب سكر بودرة
  • كوب وربع سمنة
  • فانيليا
  • 3 م ك لبن بودرة
  • 3 م ك سكر
  • 4 م ك نشا
  • كوب ونص سكر
  • 3/4 كوب ماء
  • م ص عصير ليمون
  1. نقطع الكنافة بالسكينة كويس ونضيف ليها السمنة ونص كوب سكر بودرة مع مراعاة ان الكنافة تكون بدرجة حرارة الغرفة
  2. نحضر الشربات عن طريق الكوب وربع سكر نضيفه للماء واول لما يدوب السكر نحط م ص عصير ليمون ولما يغلي نطفي عليه
  3. لتحضير مزيج القشطة نضيف النشا للبن على البارد ومعاهم السميد والقشطة ومعالق السكر والفانيليا ولبن البودرة ونقلبهم كويس ونرفعهم على النار لحد لما القوام يتقل
  4. في صينية، ندهنها معلقتين سمنة نضيف نص الكنافة ونساويها كويس بصينية أخرى بالضغط عليها، وفوقها خليط القشطة بالكامل لكن نبعدها عن الاجناب على قدر المستطاع وفوقيها باقي خليط الكنافة ونراعي اننا نملي الفراغات في الاجناب بالكنافة، وفوق خالص معلقتين كبار زبدة سايحة ندهن بيها الوش
  5. ندخل الصينية الفرن وأول لما الجناب للصنية تبدأ تاخد وش ولونها يحمر نطفي الفرن ونشغل الشواية لحد لما الوش ياخد لون ونطفي الشواية ونطلعها
  6. نقلب الكنافة على الوش التاني في صينية أخرى ونرش الشربات عليها
عجبتك الوصفة؟
شوف كل وصفاتنا في مكان واحد
كل الوصفات →