→ كل الوصفات
#حلويات_رمضان
المقادير
- 0.5 كيلو كنافه متفرزه ومتفتته
- كوب سمنه او زبده مذابه
- كوبين لبن
- 0.5 كوباية قشطه او كريمه لباني او كريمة خفق ان وجد لو مفيش عاادي
- 3 معالق نشا
- الشربات
- كوبين سكر
- وكوب ماء
- وعصرة نص ليمونه صغيرة
- ورشة فانيلا
طريقة التحضير
- نقلب السمنه مع الكنافه كويس اووووي لحد الكنافه متتشرب السمنه كويس
- بعد كده نعمل القشطه
- نذوب النشا مع اللبن على البارد وبعد كده نحطهم على النار ونقلب لغاية منوصل للقوام المناسب وبعدين نطفي عليها النار ونحط عليها القشطه ونقلب ونسيبها تهدي شويه
- وطبعااا قبل الشغل دا كله نكونوا محضرين الشربات التقيل نحط الماء على السكر ونقلب وبعدين نحطهم على النار يغلوا 5 دقائق وبعدين نحط عليهم عصرة الليمون ورشة الفانيلا ودقتين كمان ونطفي عليه ونسيبه يبرد
- نجيب صينيه ونحط فيها الكنافه ونضغط جاامد جداااااا وبعدين نحط القشطه بس بلاش نحط في الجناب عشان متتكلعش بره الصينيه وتتحرق وبعدين نحط الطبقه ال فوق وبلاش نضغط اووي وبعدين نحطها في فرن متسخن قبل كده على درجة حراره 200 في الرف ال في النص لحد م تحمر من الجوانب وبعدين ننشغل الشوايه تحمر الوجه
- بعد كده لما تطلع وهيا ساخنه ونحط عليها الشربات البارد
- لو حابين تقلبوها لازم تقلبوها وهيا ساخنه عشان لو سبناها تبرد هتلزق ومش هتتقلب
- بس كده وبالف هنا😍
- دقيقة
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد