→ كل الوصفات
طريقة عمل كنافة بالكريمه والمكسرات 😋😋😋 سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- كيلو كنافة شعر مجمده
- سمنه
- كوب ونصف لبن
- سكر
- 5 معالق ك نشا
- مكسرات محمصه
- وزبيب
- جوزهند
- كوبين سكر
- كوب ونصف مايه
- عصره لمون
- فانليا
طريقة التحضير
- بسم الله اولا اعمل الشربات الأول السكر علي المايه ولما يغلي نعصر نصف اللمونه وبعدين اوطي ٣ دقاءق واحط الفانليا واطفي علشان بيستخدم بارد
- واعمل الكريمه اللبن والسكر على النار ولما يغلي اكون مدوبه النشا على ربع كوب لبن واحطه علي اللبن المغلي واقلب لغايه ما يتخن افضيه في بوله واغطيها بكيس تلاجه علشان وشه ما يشققش
- اجيب الكنافة افركها و احط عليها سمن سايح واقلبه عليها كويس اجيب صنيه وادهنها سمن كويس واحط طبقه من الكنافة واضغطها كويس جدا وبعدين احط طبقه خفيفه من الكريمه وارش عليها المكسرات وارجع احط فوقها شعر الكنافة واضعط كويس بايدي
- اما لو هحط كريمه بس بحط الكريمه في نصف الصنيه وفوقها شعر الكنافة واضغطها كويس وبعدين احط عليها من فوق في كل جنب قطع سمنه
- اسخن الفرن علي ١٨٠ وادخل الثواني ولما تحمر من الجوانب اقيد الشوايه ولما أخرجها اسقيها بالشربات البارد ما اقلبهاش في الطبق الا لما تبرد تماما وبعدين اقطعها وبالهنا والشفا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد