→ كل الوصفات

كنافة بالمانجا لذيييييذة 😋

طريقة عمل كنافة بالمانجا لذيييييذة 😋 سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • 1/2 كيلو كنافة
  • مانجة
  • 2 كيس كريم شانتيه
  • كوب لبن مثلج
  • كوب ماء مثلج
  • سيراب تقيل
  1. اول حاجة الكنافة تبقى فى الفريزر من قبل التحضير بيوم
  2. نطلعها من الفريزر و هى مجمدة ونفركها جامد بأيدك لحد ما تبقى ناعمة جدا
  3. و نحمرها فى زبدة او سمنة زى الشعرية كدة والأفضل تتحمر ع مرتين وتتقلب باستمرار أثناء التحمير ونتركها تبرد
  4. نضرب الكريم شانتيه البودر مع اللبن والماء المُثلجين لحد ما يبقى قوام تقيل
  5. والمانجا طبعا مقشرة ومتقطعة مكعبات صغيرة
  6. نجيب الكنافة و نضيف عليها السيراب ويكون تقيل نضيف جزء ونقلب و نضيف ونقلب السيراب حسب الرغبة
  7. ونجيب الصينية أو الكاسات ونحط الكنافة ونضغط ثم كريمة ثم مانجة ثم كنافة وكريمة ومانجة وعلى الوجه من فوق نضيف معلقة من السيراب نوزعه على الوجه كله
  8. وهتاكلوا اطعم كنافة بالمانجة وصحتين وهنا
عجبتك الوصفة؟
شوف كل وصفاتنا في مكان واحد
كل الوصفات →