→ كل الوصفات
طريقة عمل كنافة بالمانجو 😋 سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- 1/2 كيلو كنافة
- كوب سمن سايح
- 1/2 كوب عسل ابيض او عسل شربات
- كوب و نص لبن
- كوب كريم شانتييه خام
- كوب سكر بودرة
- 3 ثمره مانجو كبيره
طريقة التحضير
- نحط كنافة في فريزر علشان لما نيجي نقطعها تكون سهلة وممكن نقطعها بأيدينا وممكن بالكبه لحد ما تتفرفت خالص
- نحط عليها كوب السمن ونفضل نقلب فيها لحد ما السمن يبقى تداخل كله مع الكنافة
- نحطها اما على البوتجاز ونفضل نقلب فيها لحد ما لونها يحمر او نحطها في الفرن على الشوايه ونقلبها كل شويه لحد ما تحمر
- اول لما تحمر نحط عليها العسل ونقلبها كويس
- نبدأ نحضر الكريم شانتيه(نحط لبن وسكر بودرة وكريم شانتيه على بعض ونضربهم بالمضرب لحد ما يبقى قوام تقيل من ٤ ل ٥ دقائق)
- نقطع المانجو قطع صغيرة مكعبات
- نجيب صينية او بوله او اي حاجه هنرص فيها ونبدأ نحط طبقة كنافة ونساويها كويس وبعدها طبقة كريم شانتيه وبعدها طبقة مانجو ونكرر طبقات كنافة كريم شانتيه مانجو لحد ما نخلص الكميةالموجوده معانا
- نحطها في الثلاجه لحد ما تمسك كويس
- و بالهنا والشفا على قلبكم❤️
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد