→ كل الوصفات

كنافة بالمكسرات وكريمة الاوريو

طريقة عمل كنافة بالمكسرات وكريمة الاوريو سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • 1/2 كيلو كنافة
  • 1 كوب سمنة
  • 1 كوب سكر بودرة
  • 1 باكو بسكويت اوريو
  • لوز
  • عين جمل
  • سوداني
  • 3 ملاعق كريم شانتيه خام
  • 5 معالق سكر بودرة
  • 3 كوب سكر
  • 1/2 ليمونة
  • 3 كوب ماء
  • 1 كيس فانيليا
  • 1 كوب لبن
  1. بنبقي سايبين الكنافة في الفريزر ممكن من قبلها ب يوم او لو عندك من بدري بتطلعيها تفك و تحطيها في الكبة تتطحن بتبقي اسهل و احلى
  2. بحط الكنافة في طبق غويط و بضيف عليها السمنة حبة حبة لحد مالسمنة تبقي فالكنافة كلها ، و نضيف كوب السكر البودرة
  3. نخلطهم ببعض و ندهن الصينية و نحطهم فالصنية و نكبس الصينية جامد بايدين او بضهر كباية و تتساوي كلها و نحط معلقتين سمنة على وجه الصينية
  4. بنشغل الفرن على ٢٠٠ و بعد كده نحط صينية الكنافة بتأخذ حوالي ثلث ساعة او نص ساعة *تابعيها اول باول*
  5. خطوة الشرباات ، السكر على المياه و الفانيليا و نص ليمون و تغلي على النار حوالي ١٠ دقائق و يبرد خالص ، و يتحط على الكنافة و هي ساخنة ، قوام الشربات يكون متوسط و لازم يكون بارد
  6. تسقي الكنافة بالشربات و تسبيها تهدي شوية مع نفسها و تبتدي تحضري المكسرات اللي هتضفيها على وجه الكنافة
  7. جرشت اللوز و عين الجمل و السوادني و فصلت كل واحد فيهم و حطيت عليه ملعقة سكر بودرة و معلقتين شربات من اللي كنت مجهزاهم للكنافة و على النار ثلاث دقائق مع بعض
  8. قسمت الكنافة اربعة اربع و حطيت على كل واحد فيهم ٣ اصناف المكسرات اللي جهزناااهم
  9. الجزء الرابع ممكن تحطو فيه نوع مكسرات رابع ، انا حطيت فيه كريم شانتيه و مكسرة فيه بسكويت اوريو ، الكريم شانتيه ضيفته و عليه ٥ ملاعق السكر و كوب لبن و ضربتهم بالمضرب لحد ماقوامها تقل معايا جظا عشان اقدر استخدمها برضوا فالتشكيل
  10. حطيت حوالي ٤ ملاعق من الكريمة و كسرت عليهم بسكويت اوريو و حطتهم عالجزء الرابع من الكنافة، و بدءت ازين الكنافة بين كل ربع و ربع بالكريمة.⁦❤️⁩
  11. تتحط فالتلاجة حوالي ساعة عشان المكسرات تمسك فالشربات و الكريمة تمسك نفسها شوية ، و بالهنا و الشفا😍
عجبتك الوصفة؟
شوف كل وصفاتنا في مكان واحد
كل الوصفات →