→ كل الوصفات

كنافة بالمهلبية بس بشكل جديد خالص😄✌

طريقة عمل كنافة بالمهلبية بس بشكل جديد خالص😄✌ سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • 250 جرام كنافة
  • 3 كوب لبن
  • 3 معالق نشا
  • كوب كبير شربات تقلية
  • 4 معالق سمن
  • كوب سكر
  • مكسرات
  1. اولا نجيب الكنافة من الفريزر ونكسرها وهي متلجة حتت صغيرة
  2. نجيب حلو ونحط فيها السمن وننزل بالكنافة مع التقليب لحد ما تاخد اللون الاحمر الفاتح ومنبعدش عنها علشان متتحرقش
  3. اول ما تاخد اللون الاحمر ده ننزل بالشربات مع التقليب لمدة خمس دقايق
  4. نجيب صينية مستطيلة ونفرد فيها الكنافة ونسيبها على جنب
  5. في حلة تانية على النار ٣ كوب لبن مع ٣ معالق نشا مع السكر وتقلب على البارد علشان النشا يدوب وبعدين نشغل النار لحد ما تبقى مهلبية حلوة كده
  6. ننزل بالمهلبية على الكنافة ونسيبها في الثلاجة لمدة ساعة او اكتر
  7. نقسم الصينية نصين متساويين ومربعات متساوية
  8. النص الأول هنحط عليه المكسرات ونحط النص السادة فوق ونحط فوقه برده مكسرات بقت طبقات مهلبية كنافة مهلبية كنافة ومن فوق مكسرات ومن النص مكسرات
  9. كده تبقى جهزت بألف هنا وشفا✌😋😄
عجبتك الوصفة؟
شوف كل وصفاتنا في مكان واحد
كل الوصفات →