→ كل الوصفات

كنافة بحشوة الحجازية

من اول رمضان منزلتش وصفات عشان كعبلة اول يومين انتو عارفين ، طبعا رمضان يعني كنافة والكنافة ليها طرق كتير اوي النهاردة قولت اجربها بحشوة الحجازية وطلعت تحفة 😋#مقبلات_رمضان

  • ½ كيلو كنافة مفرومة
  • كوب زبدة سايحة
  • ½ كوب سكر ناعم (اختياري)
  • كوب ونص دقيق سميد (دقيق بسبوسة)
  • كوب ونص سكر
  • 2 م ك زيت
  • 2 م ك قرفة
  • ¼ او نص كوب لبن
  • 2 كوب سكر
  • 2 كوب ماء
  • 2 كيس فانيليا
  • رشة قرفة
  1. اولا احضر الشربات : في حلة اضع السكر والماء واسيبهم يغلوا من غير ما اقلب السكر وبعدين اضيف الفانيليا ورشة القرفة واسيبه يبرد خالص ،
  2. ثانيا : في بولة اخلط مكونات الكنافة مع بعض وافركهم بايدي كويس ،
  3. ثالثا : في بولة تانية اخلط كويس مكونات الحشوة ،
  4. في صينية مدهونة اضع طبقة من الكنافة واضغطها بايدي وبعدين الحشوة وبعدين باقي الكنافة واضغطها بايدي براحة وادخلها الفرن لحد تمام السوي ولحد لما تاخد لون ،
  5. اطلعها من الفرن سخنة واسقيها بالشربات البارد وبس كدة بالف هنا 🙂
عجبتك الوصفة؟
شوف كل وصفاتنا في مكان واحد
كل الوصفات →