→ كل الوصفات

كنافة بكريمة التمر

جديدة طعمها تحفة وسهلة وسريعة جدا تنفع تهادي بيها ضيوفك في رمضان

  • 0.5 كيلو كنافة
  • 0.5 كيلو بلح طري
  • كوب سمنة سايحة
  • كوب ماء مغلي
  • كيس فانيليا
  • رشة قرفة (اختياري)
  • كوب عسل حلويات
  • 0.25 كيلو كريم شانتية باودر
  • 0.5 كوب ماء مثلج
  1. اول حاجة نجيب الكنافة نفتتها حلو ونحطها فب صنية ونحط عليها السمنة ونحمرها علي النار لحد مايبقي لونها دهبي نقفل عليها
  2. نسيبها تبرد خالص نيجي بقي نعمل كريمة التمر بنجيب تمر طري ونفصصة نغلي ماية ونحط فوق التمر كوب ماء مغلب نحطة علي النار يادوب يغلي غلوتين بس نقفل علية
  3. نجيب الخلاط ناخد التمر ونصفية من الماية بتاعة ونحطة في الخلاط ونحط شوية ماية مغلية يادوب يحرك الخلاط ونضرب
  4. هتلاقيه تخن زودي تاني ماية لحد مايبقب قوامة ولا تخين ولا خفيف ناخد الخليط ونحطة في بولة وعليها نسيبة يبرد
  5. لو ماتقلش حطية شوية في الفريزر وارجعي اضربية تاني المهم القوام يبقي تخين خلصنا هتكون الكنافة بردت نحط عليها شوية عسل يرجع لذوق كل واحد
  6. حطي العسل وقلبي تكوني محضرة كوبيات بلاستيك او كاسات او صنية كاب كيك كلة اختياري وحطي في القاع شوية كريمة تمر
  7. بعدين طبقة كنافة وبعدين كريمة وهكذا لحد مالكاس يتملي وزوقية برضة علي زوق كل واحد ممكن يتحط رشة قرفة صوص كارميل الي يعجبكم
  8. نحط علية ماء مثلج او لبن ونقلبة وبعدين نحط الكريم شانتية وكيس الفانيليا وممكن قرفة دي اختياري ونضرب بالمضرب لحد مالقوام يتقل جدا
  9. ويتحط في التلاجة يسقع ويقدم والف هنا وشفا
عجبتك الوصفة؟
شوف كل وصفاتنا في مكان واحد
كل الوصفات →