→ كل الوصفات

كنافة بورمة بالمكسرات والقشطة.. تعالوا.... تعالوا😍😍😍😍😍

لية اشتريها لما ممكن اعملها بكل سهولة احنا احلى واجمد شيفات نعمل اى وصفة مهما كانت وهتطلع احلى من احلى اكبر المحلات يلا بينا نسمى الله ونصلى على الرسول ونعمل احلى كنافة بورمة...... يلا بينا🤗🤗🤗🤗🤗🤗🤗🤗🤗🤗🤗

  • 1/2 ك كنافة
  • 2 ملعقة كبيرة سكر بودر
  • 200 جرام من البندق المجروش كوب من البندق
  • كوب من السمنة او الزبدة الخالية من الحليب
  • كوب من السيرب او الشربات التقيل جدا
  • كيس فانليا
  • كوب من القشطة المثلجة
  1. دة العسل التقيل والقشطة والبندق
  2. اجيب صنية احط فيها الكنافة بعد فرمها جيدا باليد لحتت صغيرة جدا احط عليها كوب السمنة او الزبدة واحمرها على النار لغاية ما اوصل للون دة
  3. بعد كدة نضيف ٣ ملاعق كبار من السيرب التقيل على البندق واقلبة كويس جدا وباقى السيرب او الشربات احطة على الكنافة وقلبها كويس خالص... لغاية كدة احنا تمام جدا 👌
  4. يلا بقى ندخل الشغل التقيل نجيب ورق فويل ونفرد جزء من الكنافة علية وابتدى اسويها بالشكل دة واحط البندق بالنصف وابتدى الف الفويل واحدة واحدة واضغط بايدى علية عشان يطلع معايا شكل الاسطوانة كدة
  5. تعالوا نعمل الجزء الباقى بالقشطه نفس الطريقة بس هضيف قشطة مجمدة
  6. طلع معايا اتنين رول حطتهم بالفريزر لمدة اربع ساعات وطلعوا معايا بالشكل دة
  7. ابتدى اقطعهم بالشكل المعتاد علية عند الحلواني يعنى أقطع الرول بزاوية
  8. طريقة السيرب التقيل. كوب من السكر. نصف كوب من الماء عصير نصف ليمونة او ملعقة كبيرة من البرتقال وكيس فانليا
  9. ابتدى احط الماء والسكر على النار واول ما يغلوا احط عصير الليمون وبعد كدة اضيف كبس الفانيلا واهدى النار علية واسيبه يستوى لغاية ما يتقل معايا
  10. اتمنى الكنافة تعجبكم واشوفكم بوصفة جديدة بحبكم بحبكم بحبكم..... باااااااى 👍👍👍👍👍👍👍🤓🤓🤓🤓🤓🤓🤩🤩🤩🤩🤩🤩
عجبتك الوصفة؟
شوف كل وصفاتنا في مكان واحد
كل الوصفات →