→ كل الوصفات

كنافة نابلسية بالجبنة المواتزريلا 🧡😋😋

24.4.2020 1.5.2020 #حلويات_رمضان

  • 1/2 كيلو كنافة
  • 1/2 كوب سمنة سايحة 🧈
  • لون غذائي 🧡
  • طبق جبنة مواتزريلا
  • للشربات
  • كوباية ونص سكر
  • كوباية مياه
  • 1/2 ليمونة 🍋
  • كيس فانيليا
  1. نسيب الكنافة في الفريزر ساعتين من قبلها عشان تقطيعها يكون سهل بعدين نطلعها ونفكها من بعضها ونقطعها بالسكينة
  2. ننقع المواتزريلا من قبلها بساعة في مية عشان تنزل ملحها
  3. نضيف اللون على السمنة ونقلبهم مع الكنافة كويس لحد ما تاخد اللون ده كده👇🏻
  4. نجيب صنية وندهنها سمنة بالفرشاة ونضيف نص كمية الكنافة ونضغط عليها كويس بصنية تانية لحد ما تبقى مستوية
  5. نضيف الجبنة بعد ما نصفيها كويس ع الكنافة
  6. نضيف نص الكنافة التاني ونضغط كويس برضوا وندخلها الفرن لمدة تلت ساعة او نص ساعة بالكتير اوي ع حسب الفرن ونفتح عليها الشواية آخر دقيقتين بس
  7. وهي في الفرن بقى نعمل الشربات ع النار هنضيف السكر وعليه المية ولما السكر يدوب نضيف الليمون وشوية ونضيف الفانيليا اول ما قوامه يتقل نطفي عليه
  8. لما الشربات يبرد شوية نوزعه ع الكنافة اول ما تطلع من الفرن علطول ونزينها بفستق او اي مكسرات تحبوها او تتقدم كده عادي وبألف هنا 💛💛🧡🧡
عجبتك الوصفة؟
شوف كل وصفاتنا في مكان واحد
كل الوصفات →