→ كل الوصفات

كنافة نابلسية

كنافة مشهورة بيها نابلس الفلسطينية مكونة من كنافة وسمن ولون احمر وجبنة نابلسي النهاردة اسبدلتها بجبنة متوتزاريلا وطريقتعا سهلة جدااا 👌😉

  • ½ كيلو كنافة مفرومة ناعمة
  • كوب سمنة سايحة
  • ملعقة لون طعام (اصفر او برتقالي او احمر)
  • ¼ كيلو جبنة موتزاريللا
  • كوب ونص سكر
  • كوب ونص ماء
  • كيس فانيليا
  • عصرة ليمونة
  1. اولا : اجهز الشربات (سكر وماء) واضعهم علي النار ولما يغلوا والسكر يذوب اضيف الفانيليا والليمون واهدي النار شوية واطفي واسيبه يبرد خالص ،
  2. ثانيا : انقع الجبنة في ماء لحد لما اجهز الكنافة ،
  3. ثالثا : اذوب لون الطعام في السمنة السايحة وهنا انا استخدمت لون اصفر اللي متوفر عندي وبعدين اضيفها علي الكنافة واخلطهم كويس ،
  4. بعدين اجيب صينية مدهونة واحط نص الكنافة واضغط عليها كويس ، وبعدين اصفي الجبنة كويس واوسطنها في نص الكنافة ومجبش علي الاطراف عشان لما تسيح متلزقش ، بعدين اضيف باقي الكنافة واضغط براحة ،
  5. ادخلها الفرن لحد لما تستوي هتلاقيها بعدت عن اطراف الصينية كدة معناها انها اخدت لون من تحت وبعدين افتح الشواية تاخد لون من فوق ،
  6. اول لما تطلع اسقيها بالشربات وزينيها زي ما تحبي ،
  7. ملحوظة : ١/يمكن اضافة سكر بودرة للكنافة نفسها مع خطوة السمن ، ٢/يمكن استبدال جبنة نابلسي بجبنة موتزاريللا او جبنة عكاوي ولابد من نقع الجبن المستعمل قبل الاستخدام للتخلص من اي ملوحة ، ٣/ تزين عادة بالفستق الحلبي وبالف هنا 🙂
عجبتك الوصفة؟
شوف كل وصفاتنا في مكان واحد
كل الوصفات →