→ كل الوصفات
اللهم صل وسلم وبارك على اشرف الخلق سيدنا محمد صل الله عليه وسلم ❤️ #حلويات_رمضان #حلويات_رمضان
المقادير
- 1/2 كيلو كنافه
- 1/2 كوب سمنه سايحه
- 1/4 كوب سكر
- معلقه كبيره عسل ابيض او شربات
- 1/2 كوب سكر
- 1/2 كيلو لبن
- معلقتين كبار نشا
طريقة التحضير
- اولا هنحط الكنافه في الفريزر ونطلعها ونفتتها كويس اوووووي
- هنحط عليها السمنه والسكر ونفركهم في بعض كويس اوي ونحطها تحت الشوايه وكل ماتدي لون نقلبها وندخلها تحت الشوايه تاني وتعمل لون ونقلبها لحد مايكون كل الكنافه لونها ذهبي
- هنأخذ ربع الكنافه للوجه على جنب
- هنحط على باقي الكنافه ملعقة عسل كبيره او شربات ونقلبهم مع بعض كويس اوي ونفردها في صينيه الفرن ونضغط عليها كويس جداااااا ونحاول نطلع اطراف وندخلها الثلاجه تتماسك
- هنعمل الدانيت نحط في حله السكر وعليه معلقتين ماء ونسيبه لحد مايتكرمل
- بعد مايتكرمل نحط عليه اللبن بس ونقلبه كويس جداً لحد ماالسكر يذوب هو اول ماتحطو عليه اللبن هتحسو انه اتجمد ومع الغليان هيدوب
- في ربع كوب ماء او لبن هندوب المعلقتين الكبار النشا ونحطها على اللبن والكراميل ونقلب ونستمر في التقليب لحد مايتماسك ويكون زي المهلبيه
- هنسيبه يبرد خالص
- وبعد مايبرد نحطه على صينيه الكنافه اللي حطناها في الثلاجه ونزين بالكنافه اللي شيلناها في الاول على جمب
- وبالهنا❤️
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد