→ كل الوصفات
طريقة عمل كنافه بالقشطة سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- 1/2 كيلو كنافه
- كبايه الا ربع سمنه
- علبة قشطة
- كبايتين ونص لبن
- معلقتين سكر
- فانيليا
- 3 معالق كبار نشا
- جوز هند للتزويق
- 3 كبايات سكر للشربات
- كبايتين ونص ميه
- 1/2 ليمونه
- فانيليا
طريقة التحضير
- اول حاجه بعمل القشطه الكدابه او المهلبيه
- بحط كبايتين اللبن عالنار والنص اللي فاضل ادوب فيه النشا وانزل بيه عليهم واقلب واحط قشطه كانت عندي من وش اللبن عشان تدي طعم
- واحط السكر والفانيليا واقلب واول مايتقل اطفي النار وكده تكون القشطة الكدابه جاهزة
- اجي اعمل الشربات بقى احط ال٣ كبايات سكر عالنار ومعاهم الميه وعصرة الليمون واسيبهم يغلوا
- ١٠ دقايق واطفي واحط فانيليا عليه عشان يدي ريحه وطعم حلو الشربات
- شربات الكنافه مش بيبقى تقيل ولا خفيف ميه بيكون قوامه وسط
- نيجي بقى للكنافه بكون حطاها ف الفريزر من قبلها اطلعها وافتفتها بأيدي بتكون سهله واقوم راشة عليها السمنه بس بسيحها عشان متكتلش ف الكنافه وافركها براحه كده مع بعض مبعجنش عشان متلزقش ف بعض
- خلاص الكنافه بقت كلها زي المنديه كده بالسمنه
- اجيب الصينيه مقاس ٢٨ وادهنها سمنه كويسه اوي واحط نص كميه الكنافه واضغط عليها جامد او بصينيه أصغر منها ابططها كده فالصينيه وتخلي ليها جوانب طالعه عشان المهلبيه متتحرقش فالجوانب
- بعد ماحطيت اول نص كنافه احط بقى القشطه عليها واوزعها بس مقربش من حواف الصينيه اسيب مسافه سم كده
- بعدين احط النص التاني واوزعه كويس بحيث يبقى متساوي لاني مش هضغط المرادي عشان القشطه طبعا
- خلاص وزعت كويس اساويها بأيدي كده يادوب ضغطه خفيفه خالص عشان القشطه متطلعش برا
- واخيرا ادخلها الفرن على ١٧٠ لحد ماتحمر كويس كلها
- اطلعها بقى واصب الشربات براحه كده بمعلقه او بكبشة واوزعه كويس واغطيها علطول عشان بحبها طريه 😋
- واخر حاجه بزوقها بجوز الهند او اي حاجه متوفره عندك ممكن فول سوداني او مكسرات او فسدق براحتك وبزوقك انتي وبالف هنا على قلبك 👌👌❤️❤️
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد